قالت المطربة حنين الشاطر، من خلال برنامج لمن يهمه الفن على نغم إف إم تقديم أميرة نور عن مشاركتها في افتتاح المتحف المصرى الكبير: “المنتج محمد السعدى هو اللى رشحني للمشاركة فى الافتتاح، كمان الموسيقار هشام نزيه رشحني وخلاني أغني الأغنية اللي قدمتها مع المايسترو ناير ناجى اللي كان شخص وقائد جميل جدا”.
وأضافت حنين الشاطر: “روحت بروفة مع الموسيقار هشام نزيه، واختارنا كلمات الأغنية وحسيت الكلام طيب وحنين أوي ولايق على مصر”.
وتابعت: “إحساسي لا يوصف من الفرحة الفخر والانبهار، وأنا بغني على مسرح كبير زى ده، وكان نفسي الافتتاح ما يخلصش”.
واختتمت حنين الشاطر حديثها: “الاستعراضات والأوركسترا كانت مختلفة ومبهرة ومميزة وعظيمة، وكل حاجة كانت في حب مصر وتاريخنا العظيم”.
