نفت الفنانة ياسمين عبد العزيز الأخبار التى تتعلق بارتباطها مؤخرا، مؤكدة على أنها سعيدة حاليا بكونها غير مرتبطة.
وقالت «عبد العزيز» خلال حلولها ضيفة على برنامج «معكم منى الشاذلي»، مساء الخميس، المذاع عبر شاشة «ON»، مع الإعلامية منى الشاذلى، ردا على الشائعات المتداولة حول ارتباطها: «أكتر حاجة دلوقتى مركزة فيها، ولادى والشغل.. كل شوية بيطلعوا حاجة، لو اتصورت مع الدكتور بتاعى، يقولوا بينى وبينه حاجة، طول الوقت كده».
أضافت: «فعادى طلعوا، هما عايزين يشوفوا لى حد وخلاص.. أنا فى 2025 مبسوطة كده والله».
كما أشارت إلى أنها شعرت بالندم خلال الفترة الأخيرة على الكثير من الأشياء، متابعة: «ندمت على حاجات كتير، مش عيب.. الواحد لما يقول ندم على حاجة ده قوة مش ضعف».
أضافت: «ندمت على إنى مكنتش بقول لأ وإنى كنت جدعة قوى، مش أى حد تبقى جدعة معاه، اتعلمت كتير وخدت دروس».
لفتت إلى أنها كانت تتعامل دوما بقلبها، ولكن قررت فى 2025 أن يعمل عقلها مع القلب حتى لا تتعرض للصدمات، مضيفة: «كنت بتعامل بقلبى مع الكل وطول الوقت باخد خبطات».
وفيما يتعلق بعدم شعور الناس بما تمر به ياسمين عبد العزيز من صدمات، أوضحت: «أنا بقوم وبشتغل وبكمل، الواحد لازم يبقى قوى.. ربنا بيحب المؤمن القوى مش الضعيف.. الحياة دى مينفعش فيها حد يبقى ضعيف، ممكن فى موقف أنهار فى ساعتها على حسب الموقف وخلاص، مينفعش أكمل فيه».
استكملت: «أنا عندى ولاد لازم يشوفوا أمهم طول الوقت قوية، وعندى جمهورى وشغلى.. محدش يقدر يكسرنى، أنا مبتكسرش».
