دائماً ما تثير المخرجة إيناس الدغيدي الجدل بسبب تصريحاتها الجريئة، حيث أثارت أزمة خلال الساعات الماضية بعد تصريحاتها عن التحرش وأسبابه.
سبب التحرش
وقالت “الدغيدي”، خلال استضافتها ببرنامج “القرار” عبر قناة “الغد”: “أنا مش عارفة يعني إيه تحرش، أصل التحرش ده بتبقى سبب فيه الست برضه”.
وأضافت: “بحمل الست مسئولية التحرش، لما أقول حد اتحرش بيا، تحرش بيا ليه؟! لو هو قليل الأدب ياخد بالقلم على طول فمش هيكمل”.
واختتمت الدغيدي: “أنا بتكلم إن في ستات بيلعبوا لعبة، ويقولك التحرش، ويلعبوا بيها ساعات، فأنا مش مع إن التحرش بييجي من الراجل، الست في جزء من تصرفاتها تخلي الراجل يتحرش بيها”.
سارة نخلة مصدومة بسبب إيناس الدغيدي
وأصابت تصريحات المخرجة إيناس الدغيدي، الفنانة سارة نخلة بحالة من الغضب، ما جعلها ترد على تلك التصريحات من خلال برنامجها “آخر اليوم” الذي يعرض عبر شاشة قناة “هي” الفضائية.
وقالت “نخلة”: “إن الدغيدي دائمًا ما تُثير الجدل في أفلامها، لأنها تتناول الحريات وحرية المرأة وعدم استعبادها، مثل فيلم “امرأة واحدة لا تكفي”، و”قضية سميحة بدران” وغيرهما، ودائمًا ما تدافع عن المرأة، وتدافع عن حرية المرأة في اختيار العمل والشريك والتحرر من العادات والتقاليد”، مشيرة إلى أن تصريحها الأخير أصابها بالصدمة.
وأضافت: “أنا عيدت الجملة دي 3 أو 4 مرات علشان أصدق إن إيناس الدغيدي اللي قالت الجملة دي”.
ايناس الدغيدي
وتابعت: “الراجل المحترم والمسئول لا يتحرش بالمرأة حتى لو شجعته هي على هذه الخطوة، وحتى ارتداء المرأة بكيني على البحر لا يعتبر مبررًا للتحرش، وأكبر دليل على هذا الأمر أن الذكور يتحرشون بالفتيات بغض النظر عن ملابسهن، فيتحرشون بالمحجبات والمنتقبات وحتى الأطفال”.
هل شعرت ايناس الدغيدي بالندم؟
وواصلت: “إيه التناقض الكبير ده؟ فكرت كتير قوي إيه اللي يخلي ست دلوقتي إنها تغير كلامها، هل السن؟ هل الست لما بتكبر في السن بتقول أنا زمان كنت صرحت بحاجات أنا نادمة على ده”.
واختتمت: “فلو حضرتك نادمة على ده، ففيه تاريخ مش المفروض إنه يُنسب ليكي علشان التاريخ بينادي بالحريات واستقلال المرأة، إزاي قادرة تحطي عينك في الكاميرا وتقولي الست هي المسئولة عن التحرش أو ممكن تُثير غرائز الراجل
