تحدث سامح حسن، نجل ضحية حريق عقار العمرانية، عن الحالة الصحية للطفلة الناجية، كما روى تفاصيل الساعات الأخيرة قبل اندلاع الحريق، مؤكدًا أنه لم يلاحظ أي شيء غير طبيعي، وأنه ما زال يبحث عن الحقيقة وحق أسرته.
قال خلال مداخلة هاتفية مع الإعلامية “نهال طايل” في برنامج “تفاصيل” المذاع على قناة “صدة البلد2”: “والبنت الصغيرة في المستشفى عملت 3 عمليات لحد دلوقتي، وحالتها خطيرة جدًا، ولحد الآن متعرفش إنهم توفوا”.
وأضاف: “أنا كنت موجود بالليل لحد الساعة 2 بالليل، ومكنش فيه أي حاجة خالص، وكان محمود ابن خالتي قاعد معانا، ومكنش فيه أي حاجة”.
وتابع: “والدتي اتصلت بيا الساعة 8:12 دقيقة، وأنا بقولها: إنتي لسه منمتيش؟ قالت: لأ، واللي واصلني إن محمود ابن خالتي كان في الصالة”.
واستكمل: “أنا مكنتش أتوقع، ولا كان فيه قلق قبل ساعات من الحريق، أنا أول مكالمة جاتلي بتقولي إن فيه حريق بعد مكالمة والدتي بساعة ونص”.
وأضاف: “أنا متماسك، لكن لما أكون لوحدي بيجيلي صرع من كتر العياط، والناس تاخدني في حضنها، أنا واحد بدور على حق أهلي”
.https://www.youtube.com/watch?v=Jq6uJQAKPiA
